НҰР-СҰЛТАН, 14 қыркүйек.БҰҰ діни нысандарды лаңкестердің шабуылынан қорғау жоспарын әзірледі. Бұл туралы Ұйымның Бас хатшысы Антониу Гутерреш мәлімдеді, деп Islam-today хабарлайды.

«Барлығымыз білетіндей біздің әлем антисемитизмнің, мұсылмандарға қарсы жеккөрушілік пен христиандарға шабуылдардың ұлғаюына тап болып отыр, әлемде, әсіресе,  соңғы айларда, христиандық, мұсылман және иудейлік ғибадатханаларда діншілдерге қарсы лаңкестік әрекеттер  жасалуда».

«Мен бұл шабуылдарды қатаң айыптаймын. Діни орындар соғыс үшін емес, дұға жасау үшін арналған», — деп атап өтті БҰҰ Бас хатшысы.

Оның айтуынша, Ұйым әзірлеген жоспар, мемлекеттерге діни мекемелердің қауіпсіздігін қамтамасыз ету бойынша ұсыныстар береді.