НҰР-СҰЛТАН, 19 қазан. Мешіттегі лаңкестік әрекеттерден ажал құшқандардың саны 62-ге жетті.Тағы 100 ден астам тұрғын зардап шеккен, деп Хабар 24 жазады.
Еске сала кетейік, кеше Ауғанстанның Нангархар провинциясында орналасқан мешітте екі мәрте жарылыс болған. Салдарынан жұма намазға келгендердің үстіне ғимараттың шатыры опырылып құлаған. Қантөгісті кім ұйымдастырғаны әлі белгісіз. Жергілікті үкімет лаңкестік әрекетке «Талибан» радикалды қозғаласы жауапты деп отыр. Ал қозғалыс өкілдері бұл айыпты мойындамады. Жалпы Нангархар елді мекенінде «Талибан» және «Ирак және Левант» радикалды ұйымдары белсенді болып келеді. БҰҰ ақпарына сай Ауғанстанда соңғы үш айда осындай шабуылдардан 4 мыңдай бейбіт тұрғын қаза тауып, зардап шеккен.
