НҰР-СҰЛТАН, 20 қазан.  АҚШ Қорғаныс Министрі Марк Эспер «Талибан» (ҚР-да қызметіне тыйым салынған ұйым) содырларымен келіссөздерді жалғастыру мақсатында Ауғанстанға сапармен келді, деп Reuters агенттігіне сілтеме жасап REGNUM хабарлайды.

«Сапардың мақсаты бейбіт келісім жасау әрекеті болып табылады. Жанжалдың саяси шешімі — біз үшін ең тиімді нұсқа», — деп басылым Эспердің сөзін келтіреді.

Сондай-ақ, америкалық қорғаныс ведомствосының басшысы ел президенті Ашраф Ганимен келіссөздер жүргізеді деп жоспарлануда.

Естеріңізге сала кетейік, террористік топпен Вашингтонның  келіссөздері 2018 жылдың күзінде басталды. Кейбір уағдаластықтарға қол жеткізілген тоғыз кездесу өткізілді, алайда қайшылықтар әлі де нақты шешімге келуге мүмкіндік бермейді.