НҰР-СҰЛТАН, 16 желтоқсан. АҚШ президенті Дональд Трамптың әкімшілігі келесі аптаның басында Ауғанстаннан 4000-ға жуық әскери қызметкердің шығарылғанын жарияламақ ниетте, деп  NBC News сілтеме жасап   gossluzhba.kz хабарлайды.

Ресми тұлғалардың айтуынша, бұның нәтижесінде елде 8000-нан 9000-ға дейін америкалық сарбаз қалады. Бұл мәлімдеме «Талибан» қозғалысымен Катардағы келіссөздердің қайта басталуы аясында жасалады, келіссөздер қыркүйекте лаңкестік шабуыл салдарынан тоқтатылған болатын. Бұрынғы әскери шенеунік NBC News-ке әскерді шығару туралы мәлімдеме «талибтармен келіссөздерді қайта бастауға бағытталған әрекеттің бір бөлігі» деді.

Содан кейін Америка Құрама Штаттары «Талибанға» АҚШ әскерлерін шығарған соң екі тараптың келіссөздерді қайта бастауын ұсына алады, ал ол өз кезегінде бітімге келуді уәде ете алады. Алайда, АҚШ-тың Ауғанстандағы қарулы күштерінің өкілі айтқандай, әскерлер Ауғанстандағы әскер санын қысқарту туралы бұйрық алған жоқ.