НҰР-СҰЛТАН, 18 ақпан. Коста-Рика полициясы 6 тоннаға жуық кокаин есірткісін тәркіледі. Бұл ел тарихындағы ең ірі көлемде қолға түскен есірткі партиясы, деп хабарлайды 24.kz. 

Заңсыз жүк Нидерландтың Роттердам қаласына шыққалы тұрған кемедегі бір контейнерден табылды. Олар 202 қапқа оралып, өсімдіктер арасына жасырылған. Оқиғаға қатысты портқа осы контейнерді жеткізген 46 жастағы жүргізуші ұсталып, тергеу жүріп жатыр.

Айта кетейік, Орталық Америка елдері Еуропа мен АҚШ-қа есірткі тасымалдайтын басты жолдардың бірі болып саналады.