НҰР-СҰЛТАН, 25 наурыз. Самарада кеден қызметкерлері есірткі контрабандасына күдіктіні ұстады. Бұл туралы кеден басқармасының баспасөз қызметі хабарлады деп REGNUM жазады.

Ведомствоның баспасөз қызметінің хабарлауынша, ағымдағы жылдың наурыз айында Самараға Франциядан 1980 жылы туған РФ азаматының атына сәлемдеме келіп түскен . Сәлемдеменің ішіндегісі сараптамаға жіберілді. Зертханалық зерттеу көрсеткендей, сәлемдемеде салмағы 9,13 грамм метадон есірткісі болған.

Аталған факті бойынша РФ ҚК 229.1 бабының 3 бөлімінде көрсетілген қылмыс белгілері бойынша қылмыстық іс қозғалды.

Қылмыстық істі тергеу жалғасуда.