НҰР-СҰЛТАН, 05 сәуір. 2018-2019 жылдары шетелдік арнайы қызметтермен бірлесе отырып, Өзбекстанның Мемлекеттік қауіпсіздік қызметінің органдары тоғыз террористік қозғалыстың қызметін тоқтатты. Оның екеуі Өзбекстанда, жетеуі Достастық елдерінде жүзеге асырылады деп жоспарланған. Бұл туралы МҚҚ күніне арналған пресс-релизде хабарланған, деп Синьхуа агенттігі жазады.
Мемлекеттік қауіпсіздік қызметі қазіргі замандағы қиын және қауіпті жағдайда Өзбекстан Республикасын ішкі және сыртқы қауіптерден қорғауға, сондай-ақ халықаралық қатынастарда мемлекеттің ұлттық мүдделерін қолдауға лайықты үлес қосты, делінген хабарламада.
Еске салайық, «Өзбекстан Республикасының Мемлекеттік қауіпсіздік қызметі туралы» заң 2018 жылғы 5 сәуірде қабылданды. Сол жылдың қазан айында бұл күн тиісті заңмен МҚҚ күні деп белгіленді.
