Стамбул. 2 қаңтар. Түріктің Anadolu мемлекеттік ақпараттық агенттігі Стамбулдағы Reina клубында теракт орындаушының фотосуретің жариялады. Жаңа жыл түні Стамбулдағы Reina клубына қарулы шабуыл жасалған болатын. Санта Клаус болып киінген лаңкес 700-дей адам болған ғимаратқа баса-көктеп кіріп келіп, қолындағы автоматпен жан-жағына оқ жаудыра бастайды. Мәліметтер бойынша, 39 адам қаза тапты және 69 адам зардап шекті. Ал шабуылдаған адам әлі табылмаған. Ол іздестіріліп жатыр. Рейтер агенттігінің ақпараты бойынша «Ислам мемлекеті» террорлық тобы терактіні өз мойындарына алды.

Қазіргі кезде лаңкестің жеке басы анықталып жатыр,полициядағы ақпарат дереккөзіне сілтеме жасап түркі БАҚ хабарлауынша,ол Өзбекістанның немесе Қырғызстанның азаматы. Полиция теракт болған түнгі клуб аумағындағы бейнекамералардың жазбаларын зерттеген. Лаңкестің бет бейнесі анық көрінеді.Бұл іс бойынша Стамбулдың бас прокуратурасының ұйымдасқан қылмыстылық пен терроризммен күресу департаменті тергеуін жалғастыруда.

Опубликовано фото исполнителя теракта в Стамбуле https://t.co/0bc2ANkoTW #Турция #Стамбул pic.twitter.com/1CDT2syXfT

— ANADOLU AGENCY (RU) (@aa_russian) January 2, 2017

Дереккөз:ҚазАқпарат ХАА