Дамаск. 13 наурыз. Сирия астанасы Дамаскідегі лаңкестік әрекеттен қаза тапқандар саны 74-ке жетті. Бұл туралы Хабар 24 телеарнасы хабарлайды.

Бұған дейін қос жарылыстан 45 адамның көз жұмып, жүзден астам адамның жараланғанын хабарлағанбыз. Еске сала кетейік, теракт шаһардағы Баб ас-Сагир зиратының маңында болды. Екі жанкешті беліндегі жарылғышты құлшылық етуші шииттер мінген автобус өтіп бара жатқанда іске қосқан. Әзірге қастандықты қандай лаңкестік топ жасағаны әлі белгісіз. Дамаск қаласындағы бұл зират – белгілі тұлғалар жерленгендіктен, шииттер арасында өте танымал жер. Сондықтан мұнда құлшылық етушілер жиі келеді.

Дереккөз: Хабар 24