Алматы. 31 мамыр. Қазақ ұлттық медицина университеті дүйсенбі күні, 28 мамырда, Университеттің Студенттік Үкіметі белсенділерімен Стратегиялық және корпоративтік даму жөніндегі проректор Датхаев Убайдилла Махамбетұлымен кездесу өткізді. Кездесу барысында «Рухани жаңғыру»  бағдарламасының, ұлттар достастығы мен татуластығының жастар үшін маңыздылығы, ақпараттық технология және инновациялық даму заманында университет білім алушыларының келешегі, белсенді студенттердің терроризм және экстремистік саяси ұйымдарға қарсы күрес жүргізудегі рөлі мәселелері талқыланған болатын.

Кездесу соңында Убайдилла Махамбетұлы 2017-2018 оқу жылында белсенді қызмет атқарған барлық студенттік ұйым төрағаларына алғыс хат табыстап,  алдағы жұмыстарында сәттілік тіледі.

Ақпарат көзі: KazNMU news