АСТАНА, 27 қаңтар. Грузия үкіметі 2019-2021 жылдарға арналған терроризмге қарсы Ұлттық стратегиясын бекітті, деп Грузияның Мемлекеттік қауіпсіздік қызметі сілтемесі жасап SPUTNIK Грузия хабарлайды.
Құжат Грузияның Мемлекеттік қауіпсіздік қызметі басқаратын ведомствоаралық комиссиясы әзірледі.
Стратегия жеті басты бағытты қамтиды: терроризмге қатысты ақпарат жинау, алдын алу, қорғау, дайындық, қудалау, құқықтық реттеу және халықаралық ынтымақтастық шеңберін дамыту.
«Стратегияның жалпы мақсаты — терроризм мен экстремизмге қарсы күресте Грузияның мемлекеттік көзқарасын қалыптастыру, сондай-ақ террористік ұйымдардан, экстремистік топтардан және олардың жеке тұлғаларынан туындайтын қатерлерге қарсы тұру үшін мемлекет, халықаралық серіктестер, жеке сектор және азаматтық қоғамның бірлескен іс-әрекеттерін анықтау», — деп жазылған.
Басты қауіп ретінде — ДАИШ
терроризмге қарсы Ұлттық стратегиясына сәйкес, «Ислам мемлекеті» лаңкестік ұйымы (ДАИШ) * жаһандық терроризмнің айқын көрінісі болып қала береді.
«Өткен жылдарда ДАИШ (ИГИЛ — баспа) негізінен ауқымды ұрыс қимылдарын жүргізумен айналысты. Аймақтарды жоғалтқаннан кейін, әлсірегеннен кейін, ұйым бұдан былай күш жұмсамайды, олар стратегиясын өзгертіп, қазіргі заманғы әлемді жаңа міндет алдына қойды», — дейді стратегия.
Жаңа тактика аясында ДАИШ-тің басты құралы — террористік актілерді жанжал аймақтарынан тыс жасау.
Грузия үшін, ең басты қауіп, ол кезінде лаңкестерге қосылып, Сирия мен Иракта соғысуға кеткен ел азаматтары.Өйткені, олар бір күні елге оралуы мүмкін.
«Грузияда ДАИШ-қа қосылған бірқатар жақтастары бар, алайда құқық қорғау органдары жүргізген арнаулы операциялар мен мемлекет тарапынан жүргізілген мақсатты саясат нәтижесінде Грузиядағы ДАИШ жақтастарының саны айтарлықтай төмендеді», — делінген құжатта.
Осыған қарамастан, Грузия билігі елде әлі күнге дейін террористерден тапсырма алынған болса, іс-қимыл жасайтын кейбір ДАИШ-тің жақтаушылары әлі бар екенін жоққа шығармайды.
Әл-Каида* мен Талибан*
ДАИШ-тен басқа Грузияның қауіпсіздігінің негізгі қауіпі «Әл-Каида» және «Талибан» террористік ұйымдары болып табылады.
«Грузиядағы кейбір топтар Әл-Каида идеологиясын қолдайды. Сирия мен Ирақтағы «Әл-Каида» ұйымын қолдаған қарулы топтардың қатарында бірнеше ондаған грузин азаматы шайқасты. Кейбір Грузия азаматтары «Әл-Каида» ұйымына қарасты қарулы топтардың көшбасшылары болды », — делінген Стратегияда.
Талибанға келетін болсақ, бұл террористік ұйым Ауғанстандағы «Батыл қолдау» миссиясына қатысатын грузин бітімгершілеріне қауіп төндіреді.
«Өткен жылдарда бұл террористік ұйым Грузия әскерлеріне бірнеше шабуыл жасады. Халықаралық лаңкестікпен күресте бірнеше ондаған грузин әскері қаза болды, бірнеше жүз адам жарақат алды », — делінген құжатта.
Аймақтағы ахуал
Грузия террористік актілерге қауіп төндіретін елдердің қатарына кірмейтініне қарамастан, оның тұрақтылығы Ресейдің Солтүстік Кавказдағы, Орталық Азиядағы және Таяу Шығыстағы жағдайға байланысты.
Стратегия авторлары Солтүстік Кавказдағы жағдайға ерекше назар аударды.
«Қазіргі уақытта осы аймақтағы террорлық белсенділік төмендеді. Бүгінгі күні Солтүстік Кавказда әрекет ететін «ДАИШ» және «Имарат Кавказ» топтары аз жанды ресурстарымен және шағын қаржы ресурстарымен қамтылған орталықсыздандырылған террористік ұйымдарды білдіреді», — делінген құжатта.
Бұл террористік ұйымдар, әрине, жеке террористік актілерді ұйымдастыра алады, бірақ осы кезеңде олар аймақтың қауіпсіздігіне қатер төндірмейді.
Грузияда тұратын шет мемлекеттердің азаматтары елге қауіп-қатер төндіреді, делінген Стратегияда, олар кейбір террористік ұйымдардың қолдауы мүмкін. Оларда грузин қоғамымен ешқандай діни, тарихи немесе мәдени байланысы жоқ, бұл олардың террористік қызметке араласуын жеңілдетеді.
Заңнама
Терроризмге қарсы Ұлттық стратегияда сондай-ақ, жақында грузин билігі осы саладағы заңнаманы жетілдіру бойынша маңызды қадамдар жасады деп айтылған. 2013-2015 жылдары заңнамаға маңызды түзетулер енгізілді.
Грузияның Қылмыстық кодексіне сәйкес, лаңкестік әрекеттерді, лаңкестік ұйымдарды қоғамдық қолдау, лаңкестік әрекеттерге шақыру, шетелдік террористік ұйымға қосылу немесе қолдау көрсету және басқа әрекеттер үшін жазаланады.
Грузияның қауіпсіздігіне арналған жаңа сынақтан елдегі лаңкестердің ықтимал қозғалысына байланысты, билік шекара қауіпсіздігі мәселесіне, сондай-ақ азаматтық авиацияға ерекше назар аударады.
Іс жүзіндегі күрес
Лаңкестікпен күрес биліктің бірлескен және үйлесімді жұмысын талап етеді, делінген Стратегияда.
Ішкі істер министрлігі, Мемлекеттік қауіпсіздік қызметі, Қорғаныс министрлігі, Бас прокуратура, Барлау қызметі мен Арнайы мемлекеттік қауіпсіздік қызметі лаңкестікке және экстремизмге қарсы тұруда.
«Бірыңғай мемлекеттік жүйедегі терроризммен күрестегі негізгі мекеме — Мемлекеттік қауіпсіздік қызметі, ол арнайы қауіпсіздік және жедел-іздестіру шараларын қолдану арқылы террористік қылмысты анықтап, алдын алып және жолын кеседі », — делінген құжатта.
Елдің Ішкі істер министрлігі терроризмге қарсы күресте маңызды рөл атқарады, ол қоғамдық тәртіпті қамтамасыз етеді, кейде террористік қылмысқа қарсы бірінші болып табылады.
Халықаралық ынтымақтастық
Терроризммен күресте грузин билігі халықаралық ынтымақтастыққа ерекше көңіл бөледі. Стратегияға сәйкес, Грузияның мақсаты — бұл бағытта халықаралық серіктестермен ынтымақтастықты тереңдету.
Грузия Интерпол, Европол және Евроджаст-пен ынтымақтастықты маңызды деп санайды. Терроризмге қарсы күрестегі көрші елдердің арнайы қызметтерімен ынтымақтастық және ақпарат алмасу қажет.
• Қазақстан Республикасында тыйым салынған ұйымдар
