АСТАНА, 14 ақпан. Еурокомиссия терроризмді қаржыландыруға қарсы әлсіз ережелері бар 23 ел кірген жаңа тізімін қабылдады. Атап айтқанда, Иран, Ирак және Сауд Арабиясы кіреді, деп ЕК сайтында жарияланған пресс-релизге сілтеме жасай отырып РИА Новости хабарлайды.
Бұл тізімге Ауғанстан, Панама, Ливия, Виргин аралдары, Американдық Самоа, Багам аралдары, Ботсвана, Солтүстік Корея, Эфиопия, Гана, Гуам, Нигерия, Пәкістан, Пуэрто-Рико, Самоа, Шри-Ланка, Сирия, Тринидад және Тобаго, Тунис, Йемен кірді. Ресей ЕК тізімінде жоқ.
Бұл тізім ақшаны жылыстатуға және терроризмді қаржыландыруға жол бермеу арқылы ЕО-ның қаржылық жүйесін қорғауға арналған. Еуропалық Одақтың ақшаны жылыстатуға қатысты ережелеріне бағынатын банктер және басқа ұйымдар кез-келген күдікті ақшалай қаражаттардың ағындарын неғұрлым жақсы анықтау үшін тізімде бар елдердің клиенттері мен қаржы институттарының қаржы операцияларың еселеп тексеруге міндетті болады.
