НҰР-СҰЛТАН, 31 наурыз. ҚХР Біріккен Ұлттар Ұйымы жанындағы Тұрақты өкілі Ма Чжаосюй өз елінің дүниежүзілік қауымдастықтың халықаралық терроризмге қарсы күрестегі күш-жігерін кең ауқымды қолдап, осы бағыттағы практикалық ынтымақтастықты кеңейтуге қолдау көрсеткенін мәлімдеді, деп Синьхуа агенттігіне сілтеме жасап REGNUM ақпараттық агенттігі жазады.
Қытай дипломаты БҰҰ Қауіпсіздік Кеңесінің терроризмді қаржыландырудың алдын алу және жолын кесу жөніндегі ашық мәжілісінде сөз сөйледі. Тұрақты өкіл террористік ұйымдарды қаржыландыруға қарсы күресте қандай да бір елдер үшін ерекше жағдайлар жасамай, дәйекті түрде жүргізу қажет екенін ерекше атап өтті.Ма Чжаосюй интернетті террорлық қауіпке қарсы тұру үшін маңызды алаң деп атады. Халықаралық қоғамдастыққа пікірлер мен көзқарастардың бірлігі қажет.
ҚХР тұрақты өкілі отырысқа қатысушыларды оның елі терроризмді қаржыландыруға қарсы күрес жүйесі мен тетіктерін құруға қатысуды жалғастыратынына және осы дамушы елдерге қолдау көрсететініне сендірді.
