НҰР-СҰЛТАН, 22 мамыр. Үндістанның Аруначал-Прадеш штатында қаруланған топтың шабуылынан 11 адам көз жұмды.Бұл туралы Хабар 24 ақпараттық портал хабарлайды. 

Қаза тапқандардың ішінде жергілікті парламенттің депутаты бар. Марқұм Ассам штатынан келе жатқанда лаңкестердің шабуылына тап болған. Атыс-шабыстан тағы екі адам ауыр жарақат алып ауруханаға түсті. Тәртіп сақшыларының болжауынша, лаңкестік оқиғаға аймақтағы атышулы террорлық ұйымның қатысы бар болуы мүмкін. Алайда ешкім шабуылды өз мойнына алған жоқ.