НҰР-СҰЛТАН, 19 тамыз.»Ислам мемлекеті» лаңкестік тобы (ҚР қызметіне тыйым салынған ұйым) сенбі күні Кабулдағы үйлену тойында болған жарылыс үшін жауапкершілікті өзіне алды, деп хабарлайды Рейтер агенттігі исламшылардың мәлімдемесіне сілтеме жасап.Бұл туралы РИА Новости жазады.

Жарылыс сенбі күні жергілікті уақыт бойынша 22.40-та Кабулдың үйлену залдарының бірінде орын алды. Жарылғыш құрылғыны жанкешті лаңкес іске қосты. Куәгерлердің айтуынша, осы уақытта залда ондаған адам болған. Соңғы мәліметтер бойынша, 63 адам қаза тауып, 180-нен астам жарақат алған. Ауғанстан президенті Ашраф Гани қаза болғандардың туыстарына көңіл айтты.

«Талибан» радикалды қозғалысы шабуылға қатыстылығын жоққа шығарады.