НҰР-СҰЛТАН, 13 қазан. Мәскеу облысының Химки қалалық соты АҚШ пен Израиль азаматшасын гашиш контрабандасы үшін 7,5 жылға бас бостандығынан айырды. Бұл туралы соттың баспасөз қызметіне сілтеме жасап Regnum хабарлады.

25 жасар әйел сәуір айының басында Делиден Тель-Авивке ауысып отыру кезінде «Шереметьево»  әуежайында ұсталған.

Әйелдің жолжүгі қызметтік иттің назарын аударды, ал жүкті тексеру кезінде кеден және контрабандаға қарсы күрес бөлімінің қызметкерлері 9,6 грамм есірткі затын тапты. Кейін сараптама алынған есірткі зат гашиш екенін растады.  Күдікті қамауға алынды.

Сот отырысында әйел есірткі затын сақтаудағы кінәсін мойындады, бірақ контрабанда жасаған кінәсін мойындамады. Сот оны есірткі контрабандасына кінәлі деп танып, айыпталушыға 7,5 жыл бас бостандығынан айыру түріндегі жазасын тағайындады.