ҚАРАҒАНДЫ, 19 қараша. Бүгін Қарағанды қаласының Қазыбек би және Октябрь аудандарында терроризм актісінің алдын алу және оның салдарын жою бойынша терроризмге қарсы оқу-жаттығулар өткізіледі, деп облыстық терроризмге қарсы күрес жөніндегі жедел штабына сілтеме жасап Ortalyq.kz хабарлайды.
Шараның мақсаты – терроризмге қарсы күрес жөніндегі облыстық жедел штабының алдына қойылған міндеттерді орындау үшін қажетті күш пен құралдардың дайындығын тексеру.
Оқу-жаттығулар шынайы ұрысқа жақын жағдайда өтеді.
Қала қонақтары мен тұрғындарын сабырлық сақтап, үрейге бой алдырмауын сұраймыз.
