НҰР-СҰЛТАН, 05 желтоқсан. АҚШ «Талибан» радикалды қозғалысымен келіссөзді қайта жалғастыратын болды. Бұл туралы Мемлекеттік департаментке сілтеме жасап 24.kz хабарлады.

Ақпаратқа сәйкес, Американың арнайы өкілі Залмай Халилзад Ауғанстан президенті Ашраф Ғанимен кездескен соң тәліптермен келіссөз жүргізу үшін Катарға аттанбақ. Сарапшылардың пайымдауынша, бұған қарашаның 28-і күні президент Дональд Трамптың Баграмдағы базаға сапары әсер еткен.

Еске сала кетейік, Трамп қыркүйектің бас кезінде тәліптермен келіссөзді тоқтататынын мәлімдеген. Оған тамыз айында содырлардың кезекті бір лаңкестігі кезінде америкалық жауынгердің қазасы себеп болған еді.