НҰР-СҰЛТАН, 26 сәуір. Абуджадан келіп түскен ақпарат бойынша Нигерия әскерлері жақында елдің солтүстік-батысында Замфара штатында лаңкестікке қарсы операция өткізді.  Оның барысында 89 содыр жойылып, бес кепілгер босатылды. Бұл туралы әскери департаменттің ресми өкіліне сілтеме жасап Синьхуа агенттігі хабарлады .

Оның айтуынша, жұма күні жүргізілген операция нәтижесінде әскерилер 89 содырды жойып, бес адамды кепілден босатты, сонымен қатар, еш шығынсыз көптеген қару-жарақтар мен оқ-дәрілерді алды.

Дереккөз босатылғандардың ішінде үш әйел және екі ер адам болғанын айтты. Әскерилер оларға отбасыларымен қайта қауышуға көмектеседі.