НҰР-СҰЛТАН, 26 мамыр. Ұжымдық қауіпсіздік туралы шарт ұйымы (ҰҚШҰ) Сыртқы істер министрлері кеңесінің келесі отырысы 26 мамырда бейнеконференция форматында өтеді, деп ҰҚШҰ сайтына сілтеме жасап КирТАГ хабарлайды. 

Ұйымның сайтында хабарланғандай, отырыс  Ресейдің сыртқы істер министрі Сергей Лавровтың төрағалығымен өтеді.

Отырысқа ҰҚШҰ бас хатшысы Станислав Зась қатысады.

Кездесудің күн тәртібіне халықаралық және өңірлік жағдайдың жай-күйі мен даму перспективалары және оның ҰҚШҰ-ға мүше мемлекеттердің қауіпсіздігіне әсері туралы, ҰҚШҰ-ның ТМД және ШЫҰ-мен ынтымақтастығы туралы мәселелер енгізілді.

Сондай-ақ министрлер ҰҚШҰ-ға мүше мемлекеттердің халықаралық алаңдардағы өзара іс-қимылын, ұйымның бітімгершілік әлеуетін дамытуды, сондай-ақ қазіргі заманғы қауіп-қатерлерге қарсы іс-қимылды қарастырады.

Атап айтқанда, Ұлы Отан соғысындағы Жеңістің 75 жылдығына орай БҰҰ Жарғысының мақсаттары мен қағидаттарын ұстануды растау туралы бірқатар бірлескен мәлімдемелерді қабылдау жоспарланып отыр.

Бұдан басқа, министрлердің қарауына 2020 жылдың екінші жартысы-2021 жылдың бірінші жартысы кезеңінде кеңес беру жоспары туралы, сондай-ақ ҰҚШҰ Хатшылығында квоталық лауазымдарды кезекті бөлу туралы құжаттардың жобалары ұсынылады.

ҰҚШҰ құрамына Армения, Беларусь, Қазақстан, Қырғызстан, Ресей және Тәжікстан кіреді.