Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

ИМ содырлары Ауғаныстанның шығысындағы түрмеге шабуыл жасады

НҰР-СҰЛТАН, 04 тамыз. 3 тамызға қараған түні Ауғанстанның шығысындағы Нангархар провинциясында «Ислам мемлекеті» экстремистік тобының (ИМ) содырлары түрмеге шабуыл жасап, кемінде 39 адам қаза болған, деп centralasian.org хабарлайды. 

Ауған шенеуніктерінің хабарлауынша, қаза болғандар арасында бейбіт тұрғындар, қауіпсіздік күштері мен тұтқындар бар. Олардың мәліметінше, қарсы жақтан да адам шығыны болған. ИМ тобы өздерін насихаттайтын Amaq сайты арқылы шабуылды мойнына алды.

Ақпарат бойынша, содырлар әуелі түрме қақпасы маңындағы көлікті жарған. Түрме дуалы құлап, содырлар колония аумағына енгеннен кейін қауіпсіздік күштерімен атысқан. Атыс бірнеше сағатқа созылған. Содырлар шабуылының салдарынан шамамен 1800 тұтқын босатылған, олардың арасында тәліптер мен ИМ содырлары, өзге де қылмыскерлер бар.

Азаттықтың Жалалабад қаласындағы тілшісінің хабарлауынша, 3 тамызда таңертең содырлар мен қауіпсіздік күштері арасындағы текетірес көрші ғимаратта да жалғасқан.

Дүйсенбі күні ауған шенеуніктері шабуыл тоқтады деп хабарлағанмен тұтқын содырлардың көбі сытылып шыққанын мәлімдеді.

Добавить комментарий

Ваш e-mail не будет опубликован. Обязательные поля помечены *