НҰР-СҰЛТАН, 01 қыркүйек. Түркияның ішкі істер министрі Сулейман Сойлу Түркияда ДАИШ лаңкестік ұйымының «әмірі» қамауға алынғанын мәлімдеді, деп хабарлайды Anadolu агенттігі .
«Тінту кезінде содырдан зиянкестік әрекеттердің маңызды жоспарлары анықталды», — деп Сойлу өзінің Twitter-дегі парақшасында полицияға ризашылығын білдіріп жазды.
Сойлу ДАИШ-тың (Қазақстанда тыйым салынған ұйым) қамауға алынған басшысы нұсқамаларды Ирак пен Сириядан алғанын атап өтті. Атап айтқанда, оған Түркиядағы зиянкестік және лаңкестік әрекеттер мақсатында 10-12 адамнан тұратын топтар құру тапсырылды.
Бұған дейін хабарланғандай, 25 тамызда Түркияның қауіпсіздік күштері Кайсери орталық провинциясының Девели ауданында «Ислам мемлекеті» лаңкестік тобына қатысы бар деген күдікпен алты адам ұсталды.
