НҰР-СҰЛТАН, 02 қараша. Францияның құқық қорғау органдары Ниццадағы Нотр-Дам соборының келушілеріне жасалған шабуылды тергеу аясында қамауға алған үш адамды босатты. Бұл туралы France 24 телеарнасына сілтеме жасап  REGNUM хабарлады.

Төрт адам қамауда қалады, оның ішінде басты күдікті — 21 жастағы Тунис азаматы. Бұл іс бойынша алғашқы түсінікті ұсталғандардың бірі, 29 жастағы жігіт берді. Ол Грас қаласында ұсталды, алдын-ала мәліметтер бойынша, ер адам басты күдіктімен Францияға бірге жетуге тырысқан кезде тығыз байланыста болған.