НҰР-СҰЛТАН, 01 ақпан. Ауғанстан астанасының Женгелек ауданында дүйсенбіде болған жарылыс екі адамның өмірін қиды, деп Анадолу агенттігі хабарлайды.
Жергілікті полиция өкілі Фердевс Фарамарз жарылғыш зат әскери көлікке салынғанын хабарлады. Қаза тапқандардың бірі — әскери қызметкер, тағы бір әскери қызметкер жарақат алды.
Бүгін Кабулдың төртінші ауданында Бейбітшілік министрлігінің өкілі Хошнуд Набизаденің көлігі жарылды. Зардап шеккендер жоқ.
Әзірге ұйымдардың ешқайсысы жарылыс үшін жауапкершілікті мойнына алған жоқ.
Соңғы кезде Ауғанстан астанасында лаңкестік актілер мен қастандықтардың саны едәуір өсті.
