НҰР-СҰЛТАН, 09 ақпан. Кабулдағы лаңкестік әрекет салдарынан бір адам қаза болды.Шабуылдың мақсаты елдің сыртқы істер министрлігінің шенеуніктері болды, деп сейсенбі күні Ауғанстан сыртқы істер министрлігіне сілтеме жасап Анадолу агенттігі хабарлады.
Жарылыс Чарахи Милли Бас аймағында дипломаттар мінген көліктің өтуі кезінде болды.
Шабуылдың салдарынан автокөліктің жүргізушісі қаза тапты.
Ауғанстан Сыртқы істер министрлігі бұл шабуылды айыптады.
Жарылыс үшін жауапкершілікті әлі ешкім өз мойнына алған жоқ.
