НҰР-СҰЛТАН, 25 сәуір. Францияның құқық қорғау органдары Рамбуйе қаласында комиссариат қызметкерін өлтіруге байланысты төртінші адамды ұстады. Бұл туралы Agence France-Presse (AFP) агенттігіне сілтеме жасап ТАСС хабарлайды.
Агенттіктің ақпараты бойынша,бұл қанішердің отбасы мүшесі болуы мүмкін. Белгілі болғандай, полиция ұстау алдында бұл адамның пәтерінде тінту жүргізген. Агенттік сонымен қатар жұма күні қамауға алынған үш адамның біреуі қылмыскердің әкесі екенін нақтылайды.
Рамбуйедегі шабуыл жұма күні түстен кейін жасалды. Agence France-Presse жақында шабуылдаушының аты-жөнін жариялады Джамель Г. Шабуылдаушы — 37 жастағы Тунис тумасы — комиссариат ғимараттың кіреберісінде полиция қызметкерінің мойнына пышақ салды, нәтижесінде ол көп ұзамай көз жұмды. Жақын жерде болған полицейлер шабуылдаушыға бірнеше оқ атқан. Ауыр жағдайда ол ауруханаға жатқызылды және көп ұзамай жарақаттардан қайтыс болды.
Кісі өлтіруді тергеу терроризм жөніндегі прокуратураға берілді. . Ол террористік мақсаттағы қасақана кісі өлтірді деген күдікпен жүргізіліп жатыр. Тергеушілер қазірдің өзінде кісі өлтірушінің телефонында исламшылдардың үгіт-насихат материалдарын тапқан.
