НҰР-СҰЛТАН, 13 мамыр.  «Терроризмге қарсы комитет» республикалық қоғамдық бірлестігі барша мұсылман  қауымын Ораза айт мерекесімен құттықтайды.

Бүгін айлардың сұлтаны қасиетті Рамазан аяқталып, әлемдегі барлық мұсылман қауымы көптен күткен Ораза айт мерекесін атап өтуде.

Рамазан айы — Жаратқан Иемізге құлшылық жасау, сабыр, өзара мейірім мен қайырымдылық арқылы рухани тазару айы.

Ораза айты адамдарды бауырмалдылық пен кеңпейілдікке, кешірімділік пен бауырмалдыққа шақырады. Бұл мереке адамның рухани өміріне сәулесін төгіп, жанға жылу беріп, қайырлы іс жасауға жетелейді.

Алла Тағала Рамазан айында тілеген тілектеріңізді, ниеттеріңізді қабыл етсін!

Рамазаннан рамазанға аман-есен жеткізгей!

Баршаңызға Ораза айт құтты болсын!