НҰР-СҰЛТАН, 08 шілде. Қазақстанда Сирия келіссөздері екі жылдық үзілістен кейін қайта басталды. Кездесу коронавирус пандемиясына байланысты эпидемиологиялық нормаларды сақтай отырып өтіп жатыр, деп Sputnik Kazakhstan жазады.
Өткен сәрсенбіде елордада Астана форматында Сирия бойынша халықаралық келіссөздер басталды.
Нұр-Сұлтандағы Сирия бойынша келіссөздер екі күнге созылады — 7 және 8 шілде.
Қазақстан астанасы тағы да Сирия келіссөздерін өткізуге алаң ұсынды.
Келіссөздердің алғашқы күні Ritz-Carlton қонақ үйінде өтті.
Алғаш рет келіссөздер астанада 2017 жылдың қаңтарында өтті. Осы жылдар ішінде Қазақстанның басты қаласында 13 кездесу өткізілді.
Нұр-Сұлтандағы келіссөздерге мына делегациялар келеді деп жоспарланған:
- кепілгер елдер (Иран, Ресей және Түркия);
- Сирия үкіметі;
- Сирияның қарулы оппозициясы;
- БҰҰ, Иордания, Ливан және Ирактың бақылаушылары.
Кездесуге БҰҰ Бас хатшысының Сирия жөніндегі арнайы өкілі Гейр Педерсен келеді деп жоспарлануда.
Ресей делегациясын РФ президентінің арнайы өкілі Александр Лаврентьев, түрік делегациясын Түркия сыртқы істер министрлігінің өкілі Сельчук Унал басқарады.
Иран делегациясын елдің сыртқы істер министрінің арнайы саяси мәселелер жөніндегі аға кеңесшісі Али Асгар Хаджи, Сирия делегациясын республиканың сыртқы істер министрінің орынбасары Айман Сусан, сириялық қарулы оппозиция Ахмед Тома басқарады.
