ҚАРАҒАНДЫ, 29 тамыз. 29 тамыз күні 102 пультіне ОӘД сауда үйіне бомба қойылғаны туралы хабарлама келіп түсті. Оқиға орнына мамандандырылған қызметтер келді, деп хабарлайды 365 Info.
Полицейлер ғимаратты тексерді. Тексеру барысында жарылғыш заттар табылған жоқ. Қазіргі уақытта қоңырау шалушы анықталып, ұсталды. Ол 30 жастағы қала тұрғыны болып шықты.
Оқиға бойынша ҚР ҚК 273-бабы бойынша қылмыстық іс тіркеліп, оқиғаның мән-жайын анықтау бойынша сотқа дейінгі тергеу басталды. Ұсталған азамат алты жылға дейін бас бостандығынан айырылуы мүмкін.
