НҰР-СҰЛТАН, 20 қазан. Сәрсенбі күні Кабулда жойқын жарылыс болды. Бұл туралы 1TV арнасына сілтеме жасап ТАСС хабарлайды.

Ауғанстан Ішкі істер министрлігіндегі ақпарат көзінен алынған ақпаратқа сәйкес, жарылыс шекара полициясы штабының ғимаратына қарама-қарсы Дехмазанг ауданында болды. Белгісіз біреу, елдегі билікті басып алған «Талибан*» радикалды қозғалысының содырларына тиесілі өтіп бара жатқан көлікке граната лақтырды.

Тәлібтер Ауғанстан Ішкі істер министрлігінің баспасөз-хатшы етіп тағайындаған Қари Саид Хости болған оқиғаны растап, «Ауғанстан ислам әмірлігінен» (радикалдар қолданатын мемлекеттің атауы) екі содырдың жараланғанын хабарлады.

* Қазақстан Республикасында тыйым салынған ұйым