НҰР-СҰЛТАН, 25 қазан.  «Ислам мемлекеті*» экстремистік тобының елу содыры Ауғанстанның шығысындағы Нангархар провинциясындағы «Талибан» билігіне берілді, деп «Талибан*» өкілі мәлімдеді. Бұл туралы  «Синьхуа» агенттігіне сілтеме жасап «Терроризмге қарсы комитет» РҚБ ресми сайты хабарлайды.

«Жергілікті ақсақалдар мен Ауғанстан Ислам Әмірлігі билігінің күш-жігерінің арқасында ДАИШ/ИМ/* тобының  50 мүшесі Нангархардағы шайқастардан бас тартып, берілді», — деді журналистерге провинцияның барлау қызметінің басшысы Мохаммад Насим.

Ол берілген содырлардың Ауғанстанда әрекет ететін ИМ ұяшығының тірегі саналатын Нангархар провинциясындағы Куз-Кунар және Хаска-Мина аудандарында белсенділік танытқанын атап өтті.

Содырлардың қаруы бар-жоғын шенеунік хабарламады.

Оқиға «Талибан» қозғалысы қауіпсіздік күштерінің елдің шығысындағы таулы аймақтағы содырларға жасаған әскери қысымы аясында болды.

ИМ өкілдері бұл оқиғаға әзірге ешқандай түсініктеме бірген жоқ.