НҰР-СҰЛТАН, 28 қараша. Жексенбі күні Манбидж қаласында көлікке қойылған бомба жарылысынан кемінде төрт адам, оның ішінде екі бала қаза тапты. Бұл туралы Al Arabiya телеарнасына сілтеме жасап ТАСС хабарлайды.
Кейін белгілі болғандай, көлік жарылысынан екі әйел мен екі бала қаза тауып, тағы екі адам жараланған.
Америкашыл «Касад» топтары бақылайтын Манбидж қаласында соңғы екі жылда содырлардың қылмысы осыған ұқсас бірнеше оқиғалар орын алды. Салдарынан бейбіт тұрғындар қаза болып зардап шекті, сонымен қатар бірқатар мемлекеттік және жеке нысандарға зиян келтірді.
