Терроризмге қарсы комитет

РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ РЕСМИ САЙТЫ

Контртеррористический комитет

Официальный сайт республиканского общественного объединения

110

Терроризмге қарсы қызмет телефоны

Жедел телефон желісі

+77010222030

Сауда үйін «миналаған» Өскемен қаласының тұрғынына үкім шығарылды

ӨСКЕМЕН, 06 сәуір. Өскеменде сот 21 жастағы жігітке үкім шығарды. Ол мас күйінде 102-ге қоңырау шалып, сауда үйлерінің бірінде бомба қойылғанын айтқан, деп хабарлайды Stan.kz ақпарат агенттігіне сілтеме жасап «Терроризмге қарсы комитет» РҚБ ресми сайты  хабарлайды.

Шығыс Қазақстан облысы полиция департаментінің баспасөз қызметінің хабарлауынша, биыл 2 қаңтарда Үлбі полиция бөлімінің 102 жедел арнасына белгісіз жігіт қоңырау шалып, қаланың сауда үйлерінің бірінде бомба қойылғанын айтқан.

“Хабар алғаннан кейін дереу оқиға орнына мамандандырылған қызметтер шықты. Тексеру кезінде жалған ақпарат берілгені анықталды. Полиция Қылмыстық кодекстің 273-бабы бойынша тергеу жүргізді. Биыл 24 наурызда жалған ақпарат берген тұрғынға қатысты үш жылға бас бостандығын шектеу жазасы тағайындалды”, – делінген хабарламада.

Биыл үш айдың өзінде полиция басқа арнайы қызметтермен бірлесіп, тексеру барысында осындай төрт қоңырауды тексерді.

Сондықтан полиция департаменті қоғамдық резонансты ескере отырып, мұндай құқық бұзушылықтар үшін Қылмыстық кодекстің 273-бабы («Терроризм актісі туралы көрінеу жалған хабарлау») бойынша қылмыстық жауапкершілік көзделгенін ескертеді. Оның санкциясында бес жылға дейін бас бостандығынан айыру жазасы көзделген.

Еске сала кетсек, наурыздың соңында жарылғыш құрылғылар туралы бірнеше жалған хабарлама түскен. Мәселен, Нұр-Сұлтанда әуежай, «Хан Шатыр», Mega Silk Way және «Сарыарқа» ірі сауда-ойын-сауық орталықтары, сондай-ақ My car және Lexus автосалондары миналанғаны айтылды.

Қарағандыда ер адам ХҚКО-да жарылғыш зат орнатылғаны туралы хабарлады.

Добавить комментарий

Ваш e-mail не будет опубликован. Обязательные поля помечены *