НҰР-СҰЛТАН, 14 сәуір. Ресми Исламабад АҚШ пен Үндістанның «Пәкістан аумағын лаңкестік шабуылдар үшін пайдалануына» жол бермеу туралы үндеуін қатаң сынға алды, деп Anadolu агенттігіне сілтеме жасап «Терроризмге қарсы комитет» РҚБ ресми сайты хабарлайды.
Пәкістан сыртқы істер министрлігі Исламабадқа тағылған айыптарды «біржақты және сенімсіз» деп атады.
Сыртқы істер министрлігі соңғы 20 жыл ішінде Пәкістанның «халықаралық терроризммен күресте халықаралық қауымдастықтың маңызды, белсенді және сенімді серіктесі» болғанын атап өтті.
Ведомствода Нью-Делидің Пәкістанға қарсы сөздері «басып алынған Джамму мен Кашмирде жасалған мемлекеттік террорды» жасыру әрекеті екенін атап өтті.
Исламабад халықаралық қауымдастықтың жауапты мүшелерін Үндістанды «террорды мемлекеттік саясаттың құралы ретінде пайдаланғаны үшін» айыптауға шақырды.
Хабарда айтылғандай, Исламабадтың АҚШ пен Үндістанның ортақ мәлімдемесінде айтылған Пәкістанға қарсы айыптауларға алаңдауы дипломатиялық арналар арқылы америкалық тараптың назарына жеткізілді.
