НҰР-СҰЛТАН, 17 сәуір. Торонтода белгісіз ер адам тарауих намазынан қайтып келе жатқан мұсылмандарға оқ жаудырды, салдарынан 5 адам жараланды, деп Anadolu агенттігіне сілтеме жасай отырып «Терроризмге қарсы комитет» РҚБ ресми сайты хабарлайды.
Торонто полициясының ресми өкілі Дэвид Ридзик оқиғаның Скарборо ауданындағы «Әбу Бакр Сиддик» мешітінің жанында болғанын айтты.
Оның айтуынша, оқиға сенбі күні жергілікті уақыт бойынша сағат 01:00 шамасында болған, белгісіз біреу тарауих намазынан кейін мешіттен шығып келе жатқан мұсылмандарға көліктен оқ жаудырған. Салдарынан бес адам зардап шекті.
Ридзик зардап шеккендердің өміріне қауіп төніп тұрған жоқ, олардың үшеуі ауруханадан шығарылды, екеуі әлі ем алуда.
