НҰР-СҰЛТАН, 12 қыркүйек. Сенбі күні Ирактың батысы мен шығысындағы әуе соққыларынан «Ислам мемлекеті» (ИМ)* 11 содыры  залалсыздандырылды, деп елдің Біріккен жедел қолбасшылығы хабарлады. Бұл туралы Синьхуа агенттігіне сілтеме жасап «Терроризмге қарсы комитет» РҚБ ресми сайты жазады.

Ирактың батысындағы Анбар провинциясындағы әл-Джаллайят аймағындағы барлау мәліметтері негізінде жүргізілген операцияның әуе шабуылы кезінде жеті содырдың, соның ішінде жергілікті жетекшінің өлтірілгені және  олардың жасырынған орны жойылғаны  әскерилер баспасөз мәлімдемесінде хабарланды.

Ирактың шығысындағы Дияла провинциясында барлау мәліметтеріне сүйене отырып, Ирак ұшақтары Химрин көлінің жағасындағы ИМ жасырынған жеріне екі әуе соққысын жасап, үш содырды өлтірді», — делінген қолбасшылықтың жеке мәлімдемесінде.

ИМ-нің тағы бір содыры жасырыну орындарын тінту кезінде әскери күштермен қақтығыс кезінде өлтірілді. Сондай-ақ әскерлердің үш мотоциклді, жарылғыш заттар мен жарылғыш заттар толтырылған бөшкелерді жойғаны атап өтілді.

Соңғы бірнеше айда Ирак қауіпсіздік күштері елдегі экстремистік әрекеттердің күшеюіне байланысты арнайы операция жүргізіп жатыр.

* Қазақстан Республикасында тыйым салынған ұйым