АСТАНА, 16 қазан. Тегеран Ирактың Күрдістан аймағында «қарулы террористердің» үздіксіз болуына, сондай-ақ олардың Иранның қауіпсіздігіне қарсы әрекеттері мен қозғалыстарына жол бермейді. Бұл туралы сенбі күні Иран Сыртқы істер министрі Хосейн Амир Абдоллахиян Ирактың ұлттық қауіпсіздік жөніндегі кеңесшісі Қасем әл-Араджимен кездесуінде мәлімдеді,деп ИРНА ресми ақпарат агенттігі хабарлайды. Бұл туралы Синьхуа агенттігіне сілтеме жасап «Терроризмге қарсы комитет» РҚБ ресми сайты жазады.

Тегеран мен Бағдадтың барлық салаларда күшейіп келе жатқан байланыстарын кеңейту қажеттігін баса айтып Х.А.Абдоллахиян, Күрдістан аймағындағы екі жақтың қауіпсіздік және «қарулы лаңкестермен» қарсыласу саласында ынтымақтастық орнатуға шақырды.

К.әл-Араджи кездесу барысында Ирак үкіметінің Иранның қауіпсіздігіне қауіп төндіретін кез келген әрекетті тоқтату үшін шаралар қолданатынын атап өтті.

Соңғы жылдары Иран мен Ирактың батыс және солтүстік-батыс шекаралары ирандық қауіпсіздік күштері мен күрд содырлары арасындағы қақтығыстардың алынына айналды.