АСТАНА, 10 желтоқсан. ШЫҰ және ТМД елдері қорғаныс ведомстволарының басшылары жұма күні Мәскеуде Ресей қорғаныс министрі армия генералы Сергей Шойгудың төрағалығымен өткен кеңестің қорытындысы бойынша бірлескен коммюникеге қол қойды, деп хабарлайды РИА Новостиге сілтеме жасап «Терроризмге қарсы комитет» РҚБ ресми сайты жазады.
«Кездесу нәтижесінде қауіпсіздік саласындағы ортақ мәселелерді шешудің шоғырландырылған тәсілдерін көрсететін бірлескен коммюнике қабылданды», — деді Шойгу. Оның айтуынша, кездесуге қатысушылар халықаралық қауіпсіздік пен аймақтық тұрақтылықты сақтау, сондай-ақ әскери саладағы одан әрі ынтымақтастық мәселелері бойынша пікір алмасты.
Отырыс барысында Қытай Қорғаныс министрі генерал-полковник Вэй Фэнхэ бейнебайланыс арқылы ШЫҰ және ТМД елдерінің әскери делегациялары алдында сөз сөйлеп, халықаралық және өңірлік қауіпсіздік саласындағы ағымдағы жағдайға қатысты пікірін қатысушыларға жеткізді.
