Кабул. 28 желтоқсан. Ауғанстан астанасы Кабулда парламент депутатына қастандық жасалғаны туралы Хабар 24 хабарлады.

Шабуылды ұйымдастырушылар жарылғыш затты саясаткердің көлігінің астына жасырған. Жарылыстан халық қалаулысының оққағары қаза тауып, тағы 3 кісі жарақат алды. Бірақ депутаттың өзі аман қалды. Қастандықты әлі ешқандай топ мойнына алған жоқ. Айта кетейік, Ауғанстанда соңғы уақытта қауіпсіздік жағдайы ушығып кеткен. Өйткені тәліптер елдегі ықпалын кеңейту үшін ірі қалаларға шабуылды жиілеткен.

Дереккөз: Хабар 24