Багдад. 13 ақпан. Ирак әскери әуе күштерінің елдің батысында жасаған соққысынан «Ирак пен Левант лаңкестік тобының» (Қазақстанда тыйым салынған ұйым) басшысы Әбу Бәкір әл-Бағдади жарақат алды. Мұндай хабарды Ирактың арнайы жасағына сілтеме жасаған жергілікті арналар таратты. Жарақат алған сардар Сириядағы аурухананың біріне жеткізілген.

Айта кетейік, «Ирак пен Левант» басшысының жараланғаны туралы ақпарат бұған дейін де бірнеше рет тараған. Бірақ бірде-бірі дәлелденген жоқ. Дегенмен бұл жолғы мәліметті араб телеарналары растап, ақпарат Ирактың Ішкі істер министрлігінің барлау қызметінен алынғанын айтып отыр.

Дереккөз: Хабар 24