Астана. 4 наурыз. ДАИШ террористік ұйымы (Қазақстан аумағында тыйым салынған) басшылары өз жақтастарын Еуропа елдерінде орналасқан иудейлер қауымына тиесілі нысандарда теракті жасауға шақырды.
Осындай мәндегі бейнеүндеу әлеуметтік желілерде тараған. Террористер теракті жасау кезінде ультраортодоксалды иудейлердің дәстүрлі киімін киім, жарылысты жасырын түрде жасау тиімді екенін де мәлімдеген.
Еске сала кетсек, бұған дейін ДАИШ содырлары интернет кеңістігінде Бельгияеың Антверпен теміржол вокзалына шабуыл жасауды жоспарлайтыны туралы бейнеүндеу жасаған. Осыған байланысты елдің құқыққорғау органы қауіпсіздік шараларын бар мүмкіндігінше күшейтіп, теміржол вокзалы аумағын қатаң бақылауға алды.
Дереккөз: KazIslam
