Астана. 20 сәуір. Ұлттық қауіпсіздік комитеті бейсенбі күні, 20 сәуірде, Оңтүстік Қазақстан және Ақтөбе облыстарында Ішкі істер органдарын тарта отырып арнайы операциялар жүргізді.Бұл туралы Қазақстан Республикасының Ұлттық қауіпсіздік комитетінің Баспасөз қызметі хабарлады.
«Қазақстанда тыйым салынған «ДАИШ» халықаралық террористік ұйымын қолдауға шақырғаны және оларға қатысты материалдарды таратқаны үшін 4 радикалды топтың іс-әрекеті бейтараптандырылды»- деп көрсетілген хабарламада.
Террорризмді насихаттау және діни алауыздық тудыру фактісі бойынша сотқа дейінгі тергеу амалдары шеңберінде 11 адам ұсталды.
Қазіргң уақытта, олардың тұрғылықты жерлері бойынша тінту, куәлардан жауап алу және басқа да тергеу амалдары жүргізіліп жатыр.
Дереккөз: ҚР ҰҚК баспасөз қызметі
