Астана. 18 қаңтар. Қазақстан Президенті Нұрсұлтан Назарбаев пен Ақ үй қожайыны Дональд Трамптың кездесуі жайлы Voice of America басылымы да мақала жариялады, деп хабарлайды ХАБАР 24 телеарнасы.

Халықаралық радиокомпания қос мемлекет басшысының халықаралық экстремизм мен терроризмге қарсы әріптестікті нығайтуға дайын екеніне тоқталған. Материал авторының айтуынша, Батыс елдері Ауғанстандағы ахуалды өз күшімен жөнге сала алмайды. Ал Біріккен Ұлттар Ұйымының Қауіпсіздік кеңесіне төрағалығын бастаған, әрі Орталық Азияда орналасқан Қазақстанның мұндай шиеленісті бейбіт жолмен шешуге ықпалы зор.