Рудный, 2 наурыз. Қостанай облысы ІІД баспасөз қызметінің ақпаратына сәйкес, Рудныйда полиция қызметкерлері терроризм актісіс туралы жалған хабар берген адамды ұстады, деп хабарлайды alau.kz.

1 наурыз күні полицияға ТВС Рудный ғимаратында скочтпен оралған зат табылғаны туралы хабарлама келіп түсті. Аталған жерге шұғыл түрде жергілікті жедел қызмет жетіп, жұртты эвакуациялаған.

Полиция қызметкерлерімен жедел іс-шара жүргізу барысында 28-жастағы күдікті ұсталынды.

Бұл оқиға ҚР ҚК 273-бабына «Террорлық акт туралы қасақана жалған хабар беру» сәйкес сотқа дейінгі тергеулердің бірыңғай реестріне енгізілген.