Астана. 8 маусым. Эс-Садр қаласының шығыс ауданында орналасқан мешіт маңында екі бірдей теракт болды, деп хабарлайды KazIslam. Жарылыс салдарынан 10 адам көз жұмып, 21 адам жарақат алды.

Құқыққорғаушылардың алдын ала мәліметі бойынша, терактіні ДАИШ ұйымы жасаған. Бұл туралы лейтенант Халил әз-Зияб хабарлады. Ол сондай-ақ, қазіргі кезде оқиға болған ауданды күштік құрылым қоршауға алып, зерттеп жатқанын айтты. Эс-Садр ауданындағы әл-Имам ауруханасы дәрігерлерінің айтуынша, емханаға 10 қаза болған адам және жарақат алған 21 адам жеткізілген.