Орал. 26 маусым. Дүйсенбі күні, 25 маусымда Орал қаласында Қазақстан Республикасы Ұлттық қауіпсіздік комитетінің күшімен радикалды діни топ әрекетінің жолы кесілді, деп хабарлады ҚР ҰҚК баспасөз қызметі.

Арнайы операция жүргізу барысында 8 топ мүшесі ұсталды, атыс қаруы, оқ-дәрілер және діни материалдар алынды.

Көрсетілген адамдар Қазақстан аумағында бірқатар террористік актілер жасауға дайындалған, терроризмді насихаттаған, сондай-ақ мүліктік қылмыстар жасаған деп күдіктелуде.

Осы фактілер бойынша сотқа дейінгі тергеу басталды, өзге ақпарат тергеу мүддесінде жариялауға жатпайды.