Алматы. 27 маусым. Алматы қаласы Дін істері жөніндегі басқармасының мемлекеттік әлеуметтік тапсырмасы аясында «Перспектива» ақпараттық-кеңес беру тобы» ҚҚ ұйымдастыруымен сотталғандармен тікелей жұмыс жасайтын Қылмыстық атқару жүйесі департаментінің қызметкерлеріне 26 маусымда семинар-тренинг өткізілді. Бұл туралы Дін істері жөніндегі басқармасының баспасөз қызметі хабарлады.
Іс-шараның мақсаты: сотталғандармен жұмыс жүргізуге жұмылдырылған қызметкерлердің біліктілігін жоғарылату, мемлекет тарапынан діни экстремизмге қарсы іс-қимылды күшейтуге бағытталған шараларды қолдану қажеттілігіне байланысты әзірленген дін саласындағы заңнама нормалары және мемлекеттік саясат түсіндірілді және талқыланды.
Іс-шараға 20 қызметкер қатысты. Қатысушылардың алдында дінтанушы-исламтанушы, PhD доктор Қ. Бағашаров, философия ғылымдарының докторы, профессор Е. Бурова сөз сөйледі.
