АСТАНА, 2 тамыз. Қазақстан Ұлттық қауіпсіздік комитеті (ҰҚК) соңғы мәлімет бойынша, Сирия мен Иракта соғыс басталғалы Таяу Шығысқа 800-ге тарта қазақстандық кеткенін хабарлайды, — Азаттык радиосы.

Азаттықтың ресми сауалына жолдаған жауабында ҰҚК Сирия мен Ирактағы халықаралық террорлық ұйымдарда 120 ер адам, 250-ден астам әйел және 500 бала барын айтады.

Арнайы қызмет Сирия мен Ирактағы соғыста нақты қанша қазақстандық қаза тапқанын білмейді. ҰҚК-де бар дерек бойынша, тек Сириядағы халықаралық террорлық ұйымдар сапында соғысқан 260-тан астам қазақстандық қаза болған.

Ресми мәлімет бойынша, қарулы қақтығысқа заңсыз қатысқаны үшін Сирияда 60-қа таяу, Иракта шамамен 20 қазақстандық қамауда отыр.

Биыл наурызда ҰҚК төрағасының орынбасары Нұрғали Білісбеков Сириядан 125 қазақстандықтың оралғанын, 57 адам қамауда отырғанын, қалғандарының бақылауда екенін айтқан.