АСТАНА, 15 қараша. Томск облысында ФҚК қызметкерлері Сириядағы «Ислам мемлекеті» содырларына Telegram хабаршысындағы жеке чат арқылы ақша жинаған исламшыл топты ұстады, деп баспасөз қызметіне сілтеме жасай отырып РИА Новости хабарлайды.

«Томск облысында «Ислам мемлекеті» халықаралық террористік ұйымна (Қазақстан Республикасында тыйым салынған) мүддесі үшін қаражат жинаған және қаржы қызметтерін көрсетуге қатысатын ұйымдасқан топтың қызметі тоқтатылды», — делінген хабарламада.

Топқа ресейліктер кірген, олар «Дүниежүзілік ислам халифаты» деп аталатын (Қазақстандағы қызметі тыйым салынған ұйым) ұйымын құрушылардың жақтаушылары. ФҚК қызметкерлері Сириядағы ИМ қатарында соғысқан содырларға ақша аудару үшін банктік карточкалар мен төлем қызметтерінің деректемелерін Telegram хабаршысының жеке сөйлесу чаттарына орналастырғанын анықтаған.

Қылмыстық іс қозғалды. Тергеу айыпталушылардың тұрғылықты жерлерінде тінту жүргізілді, банк карталары, терроризмді қаржыландырумен байланысты электрондық нұсқаулықтар, байланыс құралдары, экстремистік діни-насихаттау әдебиеттерінің және ИМ атрибуттары тәркіленді.

Іс фигураттары қамауға алынды, оларға терроризмді қаржыландырумен айналысты деген айып тағылып отыр.

Ағымдағы жылдың мамыр айында ФҚК ІІМ-мен бірлесіп Мәскеу облысында ұқсас топты әшкерледі. «Бұл топтарды басқару шетелде орналасқан ИМ эмиссарларымен жүзеге асырылды», — деп мәлімдеді ФҚК.