АСТАНА, 23 қараша. 23 қарашада Ош қаласында терроризм мен экстремизмге қарсы көпшілік акциясы өтті. Шеруге шамамен 9 мың адам қатысты, деп әкімдік баспасөз қызметіне сілтеме жасап Кабар агенттігі хабарлайды.
Акция қатысушылары лаңкестік пен экстремизм секілді жағымсыз құбылыстарға қарсы тұруға және бейбітшілік пен достықты сақтауға және дамытуға шақыратын транспарантар мен плакаттармен Ленин көшесі бойымен жүріп шықты.
Шеруге Ош қаласының вице-мэрі Асылбек Топчубаев, қалалық әкімдіктің басшысы Мақсатбек Зикиров, муфтиат өкілдері, жастар белсенділері қатысты.
Іс-шараның негізгі мақсаты лаңкестік және экстремистік идеологияларға сенімсіздендіру, сондай-ақ азаматтарды террористік қызметке тартуға жол бермеу мақсатында қала тұрғындарының арасындағы алдын-алу шаралары болып табылады.
Іс-шара 2014-2020 жылдарға арналған діни саладағы мемлекеттік саясат Тұжырымдамасын, сондай-ақ 2017-2022 жылдарға арналған экстремизм мен лаңкестікке қарсы үкімет бағдарламасының орындалуының іс-шаралар жоспарын іске асыру жоспарының аясында өтті.
